Kryetari i PD-së, Sali Berisha u shpreh këtë të Shtunë se diplomatë të korruptuar u vërsulën për të shkatërruar PD-në. Por, ai shtoi se sot “jemi më të fortë se kurrë:.
“Kjo është përpjekje për të asgjësuar PD-në, por beteja me idealet është një betejë donkishoteske. U përpoqën me çdo gjë që ta asgjësonin. Sot jemi më të fortë se kurrë. Më të fuqishëm se kurrë, më të sigurt se kurrë në fitoren tonë. Kaluam një vit të pashembullt për një forcë politike. Nuk kishim para, nuk kishim pushtet. Nuk dispononim asgjë përveç idealeve tona. Ne jemi e para parti kundër të cilës korrupsioni ndërkombëtar përdoret për ta shtypur atë. Diplomatë të korruptuar, u vërsulën për të shkatërruar PD-në. Ja ku jemi, më krenarë se kurrë”, tha Berisha gjatë një aktiviteti në Durrës.
Akuza për korrupsion, më herët Berisha ka hedhur për ambasadoren amerikane Yuri Kim dhe atë britanik Alastair King-Smith.
