Një shtetas është arrestuar ditën e sotme, dhe një tjetër është proceduar penalisht për vepra të ndryshme penale.
Në pranga ka rënë shtetasi me iniciale XH.V, 65 vjeç pasi dyshohet se ka kryer marrëdhënie seksuale me një shtetase të mitur.
“Gjatë kontrollit të ushtruar në banesën e marrë me qira nga ky shtetas, në Lushnjë, shërbimet e Policisë gjetën dhe sekuestruan në cilësinë e provës materiale 2 krehëra arme zjarri dhe municion luftarak”,- thuhet në njoftimin e policisë.
Nderkohë është proceduar penalisht shtetasi, F. T., 55 vjeç, banues në Berat, pasi gjatë kontrollit në automjetin e tij, shërbimet e Policisë gjetën dhe sekuestruan në cilësinë e provës materiale, një send të fortë (shkop bejsbolli).
Materialet i kaluan Prokurorisë, për veprime të mëtejshme procedurale.
