Kryeministri Edi Rama duket se ka nisur punën për “tërmetin” e lajmëruar gjatë një mbledhjeje me kabinetin qeveritar më 5 Janar, para zgjedhjeve lokale të 14 Majit. Pas intensifikimit të të ashtuquajturave “pilula elektorale”, kreu i qeverisë ka vendosur nisjen e aksionit për përdorjen e administratës për qëllime elektorale. Ndryshe nga më parë, kur urdhrat jepeshin në aplikacionet e komunikimit si “Whatsapp”, për këto zgjedhje, Rama duket se avancuar në fushën e dixhitalizimit…
Më herët gjatë ditës, kryetari i PD-së Sali Berisha akuzoi shefin e qeverisë se ka hedhur në përdorim një aplikacion, që shkarkohet në telefonat celularë, me qëllim për të përdorur administratën për fushatë elektorale.
Sipas Berishës, përmes këtij aplikacioni, Rama kërcënon se do të shkarkojë nga puna këdo punonjës të administratës që nuk pëlqen dhe nuk komenton postimet e qeverisë në rrjetet sociale.
Gjithashtu, kryedmeokrati i ka bërë thirrje presidentit të Facebook-ut, Mark Zuckenbergut dhe atij të Twitter-it Elon Musk, që të mos lejojnë abuzimet e kryeministrit shqiptar.
Thirrjen e rishpërndau edhe këtë pasdite në rrjetet sociale, duke kontaktuar direkt me llogaritë e Zuckenberg dhe Musk.
I call on #MarkZuckerberg, @elonmusk and other media platforms to take away access to Edi Rama’s government because of the practice of abusing their global platforms. The recent example of using an app to control and terrorize ordinary employees calls for an intervention.
— Sali Berisha (@sali_berisha_) January 13, 2023
Apeli i Berishës
“U bëj thirrje Mark Zuckerberg dhe Elon Musk, dhe platformave të tjera, që të heqin aksesin e qeverisë së Edi Ramës për shkak të abuzimit me platformat e tyre globale. Shembulli i fundit, i përdorimit të një aplikacioni për të kontrolluar dhe terrorizuar punonjësit e zakonshëm, është një thirrje për ndërhyrje. E drejta për të përdorur këto platforma duhet anuluar derisa të hiqet ky aplikacion famëkeq për kontrollin e qytetarëve, i quajtur Akt1vist. Në mbrojtje të qytetarëve shqiptarë, Partia Demokratike do të konsiderojë një proces ndërkombëtar kundër Edi Ramës për këtë çështje. Ky është terror, është turp, është depersonalizim! Punonjësit e qeverisë shqiptare po monitorohen dhe humbasin punën nëse nuk pëlqejnë postimet e Edi Ramës dhe ministrave të tij në rrjetet sociale. Unë ju jap këtë aplikacion ku duhet të bëni abonim, dhe nëse nuk më bëni ‘like’, mbeteni pa punë! Nuk ka turp më të madh!”, thuhet në mesazhin e Berishës.
Çfarë është “Akt1visti”
Aplikacioni u lajmërua nga Rama në fund të vitit të kaluar. Në një video të postuar në rrjetin social “Instagram”, Rama shprehet: “Patronazhisti, patronazhisti, është ç’është, por aktivisti… Nuk keni parë gjë akoma”. Në video, pjesë e shpurës që formojnë sfondin për mesazhin misterioz asokohe të shefit të tyre, janë edhe Elisa Spiropali e Taulant Balla.
View this post on Instagram
Në prezantimin e aplikacionit në “Google Play” dhe “App Store”, ku shfaqet qartë edhe logo e Partisë Socialiste, thuhet se “Aktiv1st mbështetet tek një sistem pikëzimi, i cili ndërveprimet me platformen on-line i përkthen në vlerësim të pasqyruar në “leaderboard”, sipas të cilit do të vlerësohen dhe individët, të cilët shfaqin më shumë iniciativë”.
Në media është raportuar se çdo punonjës i administratës fillimisht detyrohet të krijojë një profil për përdorimin e aplikacionit. Në aplikacion janë të postuara në mënyrë kronologjike mesazhet më të fundit që Rama, Veliaj dhe ministrat kanë bërë në rrjetet sociale për të cilat kërkohet sa më shumë interaktivitet. Në bazë të komenteve, të shpërndarjeve apo të pëlqimeve që një përdorues bën në postimet e Ramës, Veliajt dhe ministrave, ai vlerësohet nëpërmjet një sistemi pikëzimi. Sa më shumë pëlqime, shpërndarje dhe komente, aq më shumë pikë fiton përdoruesi. Sa më shumë pikë në aplikacion, aq më shumë vlerësohet punonjësi në dikasterin e administratës ku punon. Sistemi i pikëzimit përdoret për të kontrolluar punonjësit e administratës shtetërore.
“Nëse pikët e grumbulluara në aplikacion janë të pakta, vjen një thirrje nga burimet njerëzore, shoqëruar me vërejtje verbale”, citohet nga “Lapsi” një punonjës i administratës që siç raportohet, kishte refuzuar deri tani përdorimin e aplikacionit.
Ndërkohë një tjetër, punonjës i Bashkisë së Tiranës, sipas të njëjtës media, rrëfeu se gjatë orëve të mbrëmjes merrte rregullisht mesazhe apo telefonata nga drejtues të ngarkuar me monitorimin e pëlqim/shpërndarje dhe komentet për postimet e Veliajt në rrjetet sociale.
