Policia ka arrestuar ditën e sotme një 35 vjeçar pasi vodhi një biznes në Durrës.
Në pranga ka rënë shetasi, Gerald Ramaj, pasi ka vjedhur me dhunë, xhiron ditore (10 000 lekë të rinj) në një furrë buke në lagjen nr. 2. të Durrësit.
“Shërbimet e Komisariatit të Policisë Durrës, menjëherë pas njoftimit të marrë për një rast vjedhjeje të ndodhur në një biznes (furrë buke), në lagjen nr. 2, Durrës, organizuan punën për identifikimin, lokalizimin dhe kapjen e autorit të këtij rasti.
Si rezultat i veprimeve të shpejta hetimore të strukturave të Komisariatit të Policisë Durrës, u bë identifikimi, ndalimi dhe arrestimi i shtetasit G. R., 35 vjeç, banues në lagjen nr. 13, Durrës, pasi nga provat e siguruara falë reagimit të menjëhershëm, rezultoi se ky shtetas ka vjedhur me dhunë, xhiron ditore (10 000 lekë të rinj) në një biznes (furrë buke), në lagjen nr. 2”,- thuhet në njoftimin e policisë.
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
