Trupi i pajetë i një gruaje shqiptare është gjetur në ujë pasditen e së enjtes në “Largo Giannella”, në bregdetin e Barit ku është instaluar rrota e Ferrisit.
Viktima është identifikuar si Rukije Qela, lindur në vitin 1946 në Shqipëri dhe banuese në Cassano delle Murge.
Vetëm dje në mëngjes, një nga mbesat e saj e kishte denoncuar zhdukjen e gjyshes në polici.
Alarmi për trupin e pajetë është ngritur nga një kalimtar i rastit i cili e ka vënë re teksa pluskonte sipër ujit. Karabinierët dhe personeli i rojës bregdetare ndërhynë në vend për ta nxjerrë nga deti.
Autoritetet janë shprehur se nuk përjashtojnë asnjë hipotezë lidhur me ngjarjen, përfshirë edhe vetëvrasjen e të moshuarës.
