Detaje të reja janë zbuluar nga ngjarja e rëndë, e ndodhur katër vite më parë në Greqi por që është zbuluar së fundmi.
Vajza shqiptare, në kohën kur ka qenë vetëm 16 vjeçe dhe kryente praktikën në një biznes privat në zonën e Volosit, është përdhunuar nga pronari i saj 53-vjeçar.
Gjykata e Larisës e ka shpallur biznesmenin 53-vjeçar fajtor për abuzim me të mitur në mënyrë të pahijshme dhe të vazhdueshme në kompaninë e tij (me rrethanat rënduese të një personi që jep mësime për një të mitur) dhe e dënoi me 4.5 vjet burg dhe 3 vite pezullim licence.
Mësohet se vajza shqiptare, e moshës 16 vjeç, ishte duke kryer praktikën në biznesin e burrit në Volos, pasi ai e kishte ftuar të takoheshin jashtë kompanisë.
Pas arrestimit, 53-vjeçari ka deklaruar se nuk e dinte moshën e të miturës, pasi fiziku i saj i ngjante atij të një gruaje dhe se lidhja e tyre dihej dhe nuk fshihej, pasi dilnin rregullisht. Ai thotë se nuk ka ushtruar asnjëherë dhunë ndaj saj.
Nga ana e saj, vajza shqiptare thotë se është shfrytëzuar nga biznesmeni 53-vjeçar dhe është mashtruar nga ai për ta joshur në akte seksuale.
Fillimisht vajza ka hezituar të flasë për atë që dyshohet se i ka ndodhur, por ka ngritur dyshimet e prindërve të saj kur papritur ka ndaluar së shkuari në kompaninë ku po praktikohej.
