Mjeku pneumolog Adrian Jorgji, ka folur në lidhje me situatën Covid-19 në vend dhe atë që pritet të ndodhë.
I ftuar në emisionin “Kjo Javë” në News24, mjeku u shpreh se nuk ka nevojë për panik por se pa dyshim duhet kujdes,.
Mjeku shtoi se simptomat në nisje janë të njëjta si në infektimin me Covid-19 ashtu edhe në rastin e gripit, ndërsa tregoi edhe mënyrat se si duhet të bëhet trajtimi në ditë e para.
Pjesë nga biseda në studio:
Nisida Tufa: Grip apo Covid? Si ndahet?
Mjeku Adrian Jorgji: Të ndarit nga ana klinike nuk është gjë e thjeshtë edhe për mua që përballem çdo ditë me këto raste. Virozat dhe Covidi nisin me temperaturë, dhimbje kokë, kollë, dhimbje kockash, në praktikë ndarja nuk ka një vlerë të madhe sidomos në ditët e para pasi trajtimi është i njëjtë. Rekomandojmë lavazhe me ujë fiziologjik në hundë, gargarë me ujë me kripë apo sode buke, supë, lëngje frutash, vitamin C,D dhe vetëizolim. Kjo është edhe një udhëzim në botë, pra vetëizolimi. kuptoj që njerëzit janë lodhur nga Covidi dhe periudha e stërzgjatur por vazhdimi i aktivitetit të
përditshëm duke qenë të sëmurë shton rastet dhe përkeqëson situatën.
A janë të njëjtat edhe për Covidin?
Pothuajse të njejta. Nuk është kollaj dhe për mua është e rrezikshme të vetëdiagnostikohemi. Nëse kemi ato që thashë më lart, duhet të vizitohemi tek një specialist. Edhe personat e rrezikuar si personat e moshës së tretë apo ato me sëmundje shoqëruese është mirë të vizitohen.
Si është situata me Covidin?
Nuk është e lehtë të japësh një pasqyrë, pasi njerëzit janë lodhur nga idea e Covidit, edhe komuniteti shkencorë në mënyrë jo korrekte ka vënë dorë në këtë situatë që nga OBSH duke thënë Covidi mbaroi. Nuk është më ai që ishte dhe nuk bën më dëme. nuk është kështu. Qoftë edhe një përqindje e vogël, ajo përqindje e vogël ka emër është një kushëri një familjar.
Sado të jetë përqindja është serioze sepse vdesin njerëz. Edhe sikur vetëm një të vdesë.
Amalgama, Covid, grip viroza të stinës është e rrezikshme. Nuk ka nevojë për panik po duhen marrë masa.
A ka gjasa të kemi një variant të ri Covidi?
Testet për fat të keq lënë për të dëshiruar për të diagnostikuar Covidin dhe format e leja. Format e lehta nuk është e lehtë të identifikohen me radiografi. Për sa kohë njerëzit lëvizin nga një kontinent në tjetrin nuk ka çudi të jemi edhe para formave të reja.
Rastet me të cilat kemi pasur të bëjmë kanë nisur si viroza dhe janë kthyer në pneumoni. Edhe në mosha të reja.
Kemi pasur pneumoni në të dy anët e mushkërisë kanë ardhur në ditën e 5 ose 6. Nuk është mirë të thuash do të pres.
Keni pasur hospitalizime
Po kemi pasur. Edhe bakteriale edhe virale. Mund të kenë nisur si virale dhe janë komplikuar me bakteriale.
A mbetet trupi i shëndetshëm pasi kalon Covid-in të përballojë një tjetër virozë?
I shëndetshëm plotësisht nga ana shkencore nuk mund ta thotë askush,. Situatat e rënda lënë gjurmë. Jo më larg se dje pashë 3 pacientë që e kishin kaluar rëndë Covidin dhe kishin problem jo të thjeshtë pulmonare, Covidi shërohet por tek ata pacientë me pasoja të rënda duhet të kenë shumë kujdes.
Problemi më i madh shfaqet në rrugët aspiratore. Megjithatë nuk vonon shumë kompromentimi edhe i zemrës apo mëlçisë. Psh dikush me problem të veshkave dhe ka probleme respiratore terapia është e përshtatur.
Do të kemi një rikthim të maskave?
Në botë ka nisur të flitet për fillimisht vetëdistancim, nëse vijojmë kështu pa asnjë lloj përkujdesje është e natyrshme që mund te ketë edhe masa të tjera, Në Amerikë në një javë pati dyfishimin të rasteve. me këtë ritëm nuk do të dimë çdo gjejmë para.
Nuk ka vend për panik, por duhet përkujdesje.
