Kryeministri Edi Rama postoi ditën e sotme në rrjetet sociale disa foto nga një çantë e firmës luksoze të veshjeve dhe aksesorëve, “Louis Vuitton”.
“Çanta e re e shtëpisë së madhe të modës Louis Vuitton FLAMURI MË I BUKUR NË BOTË,” shkruan Rama, krahas imazheve të postura.
Çanta ka të dizenjuar flamurin shqiptar, por ndërkohë edhe një çmim është shumë të kripur.
Sipas raportimeve, një çantë e tillë kushton rreth 10.000 dollarë.
Komentuesit e shumtë e kanë ironizuar këtë fakt, duke thënë se nuk kanë asnjë shans të blejnë një çantë të tillë. Sipas tyre, atë e blejnë vetëm qeveritarët.
Të tjerët i kujtojnë se të huajt po bëjnë më shumë për Flamurin Shqiptar se vetë qeveria e Ramës.
Por, ka edhe nga ata komentues që thonë se Rama po u kujton çantat dhe valixhet që t’ia mbathin nga vendi.
“Ironi e madhe, një nënë e re vret foshnjën në Shkodër se s’kishte lekë ta mbante, ti reklamon çanta 10 000 $”, shkruan një tjetër komentues duke i kujtuar ngjarjen e Shkodrës.
Ndërkohë, çanta në fjalë sipas raportimeve mediatike, është hedhur në treg që prej vitit 2018. Mbetet e paqartë se pse Rama e reklamon 5 vite më pas.
