Banorët e një lagjeje në Lezhë, me nismëtar ish-futbollistin e njohur, Dritan Smajli janë bashkuar dhe kanë rikonstruktuar vetë rrugën.
Për të lehtësuar lëvizjen e më shumë se 20 familjeve, disa banorë të kësaj lagjeje ndërmorën në mënyrë vullnetarë shtrimin me beton të rrugës.
Ish-futbollisti i Besëlidhjes dhe i Kombëtares, tashmë trajner i Veleçikut, Smajli, tregon se pushteti nuk ka vënë dorë.
Sipas banorëve rruga me një gjatësi rreth 100 metra ishte bërë e pakalueshme, ndaj në këto kushte ndërhyrja nga banorët e lagjes ishte e domosdoshme.
Banorët thonë se nga Bashkia Lezhë iu është bërë me dije se projekti për rehabilitim e kësaj zone është gati, por nuk është ndërhyrë ende me pretendimin e ndërtimit të ujësjellësit të ri.
