Një dyqani ushqimor në Durrës është grabitur pasditen e sotme.
Sipas policisë, dy persona ende të paidentifikuar kanë marrë në dyqan xhiron ditore, rreth 150 mijë lekë të vjetra.
“Rreth orës 19:30, në lagjen nr. 15, dy shtetas ende të paidentifikuar, janë futur në një dyqan me produkte ushqimore në pronësi të shtetases M.T., ku kanë marrë rreth 15 000 lekë të rinj (xhiro ditore) dhe më pas janë larguar me një automjet. Shërbimet e Policisë, pas marrjes së njoftimit, kanë shkuar në vendngjarje, së bashku me grupin hetimor”, thuhet në njoftimin e bluve.
Sipas të njëjtave burime, është identifikuar automjeti me të cilin këta shtetas janë larguar.
“Vijon puna për identifikimin, lokalizimin dhe kapjen e autorëve, ndërsa grupi hetimor, nën drejtimin e Prokurorisë, po punon për zbardhjen dhe dokumentimin e plotë të kësaj ngjarjeje”, mbyllet njoftimi.
