Një incident i ndodhur në detin Egje gjatë ditës së sotme, ku gati janë përplasur dy anije të rojes detare respective të Greqisë dhe Turqisë është regjistruar në kamera.
Mediat greke dhe turke kanë publikuar videon, ku shihet se tre anijet turke të peshkimit që kishin hyrë në ujërat territorial greke në Egjeun Lindor, kanë ndezur situatën pasi pas reagimit të rojes greke, një kryqëzor turk është afruar pranë Farmakonisit.
Kanë qenë peshkatarët grekë ata që kanë njoftuar rojen bregdetare për lëvizjet e turqve dhe reagimi ka qenë i menjëhershëm.
Një mjet i rojes bregdetare greke mbërriti në vendngjarje për t’iu afruar tre mjeteve lundruese turke që kishin pushtuar ujërat territoriale greke nën mbikëqyrjen e patrullës turke.
Sipas selisë së Rojës Bregdetare, mjeti lundrues turk ka kryer manovra të rrezikshme me qëllim përplasjen e mjetit lundrues të Rojës Bregdetare. Në fakt, gjatë këtyre manovrave të rrezikshme, harku i kryqëzorit turk për pak ka goditur në skajin e anijes greke .
Ekuipazhi i anijes së Rojës Bregdetare qëlloi me të shtëna paralajmëruese në një zonë të sigurt dhe anija turke u largua nga vendi i ngjarjes duke u nisur nga lindja drejt bregdetit turk.
“Turqit njoftuan rojen e tyre bregdetare dhe ata erdhën për të përzënë rojen bregdetare greke nga ujërat territoriale greke. Roja bregdetare turke ishte dy milje, të paktën, në perëndim në ujërat territoriale greke, kaloi edhe Farmakonisin”, tha një dëshmitar okular për SKAI-n.
“Roja bregdetare turke bëri rrotullime rreth rojes tonë bregdetare greke, në ujërat territoriale greke për ta fundosur atë”, shtoi ai.
Türk teknesine Yunan tacizi
Yunan sahil güvenlik botu Türk balıkçı teknesini taciz etti
Ayrıntıları #AHaber Yurt/İstanbul Haber Müdürü @Kerimulak44 aktardı pic.twitter.com/aPj8RyWzwN
— A Haber (@ahaber) January 5, 2023
Ndërkohë në deklaratën e Rojës Bregdetare për incidentin thuhet: “Në orët e mëngjesit të sotëm, një mjet lundrues LS-EL.AKT, teksa kryente shërbimin e porositur për identifikimin e tre anijeve turke të peshkimit që po peshkonin në zonën detare në juglindje të Farmakonisit, brenda ujërave territoriale greke, është ngacmuar nga një mjet lundrues turk, i cili kryente manovra të rrezikshme për ta embolizuar. Më pas ekuipazhi i anijes patrulluese LS-ELAKT gjuajti të shtëna paralajmëruese në një zonë të sigurt dhe Aktaioros turk u largua nga vendi duke u nisur nga lindja në drejtim të bregdetit turk”.
Pak orë pasi rojet bregdetare greke u informuan, shërbimi përkatës turk prezantoi versionin e tij, shoqëruar me një video. Sipas asaj që raportuan turqit, një anije e rojes bregdetare greke ngacmoi tre anije peshkimi që mbanin flamurin turk, në zonën detare pranë qytetit Didim, në provincën e Aydin.
Në të njëjtin përditësim, thuhet se një mjet i rojes bregdetare turke ka mbërritur në vendngjarje dhe ka hequr atë greke, ndërsa në ajër janë shkëmbyer të shtëna paralajmëruese.
Sakaq, korrespondenti i MEGA-s në Turqi raportoi gjithashtu se rrjeti televiziv turk A-HABER prezantoi një hartë të vendit ku ndodhi episodi, i cili justifikon pretendimet e Athinës se anijet turke të peshkimit ndodheshin në një zonë nën juridiksionin grek.
