Një përplasje verbale ka ndodhur mes kryeministrit grek Kyriakos Mitsotakis dhe Recep Tayyip Erdogan në darkën e liderëve në Samitin joformal në Pragë.
Sipas burimeve qeveritare për Protothema, Erdogan ka marrë fjalën në darkën e liderëve dhe në fund të fjalës së tij akuzoi në mënyrë të paprovokuar Greqinë se po rrit tensionin dhe po provokon tensione në Mesdhe.
Në këtë moment ka ndërhyrë Mitsotakis, i cili me gjuhë të ashpër i është përgjigjur drejtpërdrejt Presidentit turk duke i thënë se duhet të ndalojë vënien në dyshim të sovranitetit të ishujve. Më tej ai i tha se në vend që të krijojë tension, duhet të vijë në mirëkuptim dhe dialog pa retorikë ekstreme, siç bëjnë liderët e përgjegjshëm.
Erdogan duket se nuk e kanë mbajtur nervat nga pëergjigja që Mitsotakis i dha para liderëve të tjer, ndaj duke folur para gazetarëve turq ka shtruar pyetjen, “nga kush u drejtua ai që të flasë ashtu?”, duke lënë të kuptohet se klima në Pragë nuk ka qenë pozitive, teksa liderët e BE-së e injoruan, ndryshe nga takimet e mëparshme.
Turkish President Erdogan on Mediterranean Sea:
– We’re not eyeing any country’s territory
– We’re only striving for protecting rights of our country and rights of Turkish Cypriots
– We don’t want tensions with our neighbours pic.twitter.com/kZJaQvi0Lx— TRT World Now (@TRTWorldNow) October 6, 2022
“Në darkë që kisha fjalimin tim, e mbarova. Zotëria (s.s. Kyriakos Mitsotakis) duket se është shqetësuar shumë nga fjalimi im dhe për shkak se ai ishte i shqetësuar dhe megjithëse nuk i përshtatet frymës së darkës, ai mori fjalën. Nuk e di nga kush e ka marrë lejen, ndoshta nga presidenti. Dhe aty na u përgjigj. Ai mendoi se ne folëm ashpër. Por nuk është kështu. Nuk janë aty ku duhet të jenë”, tha Erdogan me tone të larta.
Dhe vazhdoi sërish me të njëjtën gjuhë. “E dini, politika e tyre bazohet në gënjeshtra, nuk ka ndershmëri. Kur themi të takojmë të gjitha vendet bregdetare nuk vijnë. Kanë vënë shumë vende si ndërmjetës” (“kunjë” për SHBA-në). Momentalisht nuk kemi çfarë të themi me Greqinë”, shtoi presidenti turk, por megjithatë la një “dritare” të hapur.
“Ia lëmë kohës dhe brenda kohës shpresojmë të gjejmë një mundësi për të biseduar”, nënvizoi ai.
Gjithashtu, në konferencën për shtyp, Erdogan zhvilloi dialogun e mëposhtëm me një gazetar grek.
“Çfarë do të thuash duke thënë se do të vish natën? A është ky një kërcënim lufte për Greqinë?”, e pyeti reporteri, me liderin turk që iu përgjigj në nerva e sipër: “Jo vetëm në Greqi, por në çdo vend që na kërcënon, përgjigja jonë është: “Papritmas, mund të vijmë natën”. Ata duhet ta dinë këtë. Meqë ti e kuptove ashtu, kështu e kuptuan edhe ata”.
