Turqia dhe Greqia duket se e kanë nisur vitin e ri metë njëjtin konflikt të mbartur prej vitesh në Egje dhe dëshirën për të krijuar tension dhe përplasje nëpërmjet provokimeve në të dy krahët e kufirit.
Gjatë pasdites së sotme sipas mediave helene, roja bregdetare greke është provokuar nga nja anije turke, duke shkaktuar tension dhe bërë që Athina zyrtare të jepte leje ekuipazhit për të vazhduar me të shtëna paralajmëruese.
Sipas Neësbomb.gr mjeti lundrues turk ka kryer manovra të rrezikshme me qëllim përplasjen e mjetit lundrues grek.
Ngjarja ndodhi në zonën në jug-lindje të Farmakonissi, brenda ujërave territoriale greke, ku anija greke shkoi për të identifikuar tre anije peshkimi turke që peshkonin në zonë.
Menjëherë në vendngjarje u gjet anija e vogël e rojes bregdetare turke, e cila ngacmonte mjetin lundrues grek me manovra të rrezikshme.
Ekuipazhi grek arriti me qetësi të shkëputej duke gjuajtur të shtëna paralajmëruese, ndërsa kryqëzori turk më pas u largua nga vendi i ngjarjes duke u nisur drejt lindjes drejt bregdetit turk.
“Në orët e mëngjesit të sotëm, një mjet lundrues LS-EL.AKT, teksa kryente shërbimin e porositur për identifikimin e tre anijeve turke të peshkimit që po peshkonin në zonën detare në juglindje të Farmakonisit, brenda ujërave territoriale greke, është ngacmuar nga një mjet lundrues turk, e cila ka kryer manovra të rrezikshme për ta përplasur”, thuhet në njoftimin e Ministrisë greke të Transportit.
