Një i ri nga Shqipëria është burgosur pasi u kap nga policia në një fermë kanabisi në Oldham të Anglisë.
Renato Zykaj, 23 vjeç, u dënua me nëntë muaj burg pasi u deklarua fajtor për prodhimin e kanabisit, teksa u arrestua gjatë një bastisjeje në shtëpinë ku i riu kujdesej për bimët e kanabisit.
Policia sekuestroi gjithsej 79 bimë dhe gjetën pajisje për kultivimin e kanabisit duke përfshirë edhe plehun e posaçëm.
Zykaj tregoi në gjykatë se si pagoi para për të hyrë në Mbretërinë e Bashkuar në mënyrë ilegale në prill të vitit 2021 dhe mori hua 5000 £ nga një tjetër shqiptar.
I riu po punonte në fermën e kanabisit për të shlyer borxhin dhe paguhej 300 £ në javë për të jetuar, teksa shqiptari tjetër e kërcënonte se do ta vriste nëse borxhi nuk shlyhej.
