Pensionistët në Durrës kanë filluar të tërheqin 8 mijë lekshin të përfituar nga “Pakoja e Madhe” që po ndan qeveria.
Një pjesë e tyre nuk e kanë marrë ende por shprehen se nuk është i mjaftueshëm pas pensionet janë të ulta ndërsa çmimet janë duke u rritur. Nga ana tjetër një pjesë e tyre mendojnë se kjo “Pako e Madhe” po shpërndahet për fushatë dhe se duhet të ishte bërë më shumë për shtresat në nevojë.
“Ajo nuk mjafton fare. Cmimet janë rritur. Koha është për të bërë dicka. Asnjëherë nuk do të jetë e mjaftueshme. Hallet tona nuk ndreqen ndonjëherë. Ne jemi hallexhinj, nuk na dalin ato. Me dasht kryeministri duhet edhe me shumë. Ca të na dalin ato. Ky bonus jepet për fushatën elektorale”– janë shprehur pensionistët për mikrofonin e Fax News.
