Një 32-vjeçar është arrestuar ditën e sotme në Fier, pasi ka përplasur një të moshuar me makinë.
Mësohet se 32-vjeçari ka përplasur me makinë ditën e djeshme një të moshuar që po lëvizte me motomjet.
I moshuari u lëndua në aksident dhe u dërgua në spital për të marrë ndihmë mjekësore.
“Specialistët e Sektorit të Qarkullimit Rrugor të DVP Fier arrestuan në flagrancë për veprën penale “Shkelje e rregullave të qarkullimit rrugor” shtetasin E. S., 32 vjeç, banues në Fier, pasi ditën e djeshme, në aksin rrugor Fier-Seman, duke drejtuar automjetin tip “Volksëagen” është përplasur me motomjetin me drejtues shtetasin L. Z., 65 vjeç, i cili ndodhet në spital nën kujdesin e mjekëve.“- njofton policia.
Materialet i kaluan Prokurorisë, për veprime të mëtejshme procedurale.
