Detaje të reja janë zbardhur nga aksidenti i rëndë me 3 viktima dhe 4 të plagosur që ndodhi mbrëmjen e sotme në rrugën e “Arbrit”.
Dyshohet se mjeti tip “Mercedes Benz 240”, me të cilin udhëtonin viktimat Kujtim dhe Murat Istrefi ssë bashku me dy bashkëshortet Lulzime dhe Firuze Istrefi, ka dalë nga një rrugë dytësore.
Automjeti i tyre ishte duke dalë nga fshati Gjoricë ku kishin qenë për vizitë dhe në momentin që kanë dalë në rrugën nacionale i kanë prerë rrugën mjetit tip “Mercedes” me targa angleze.
Përplasja e dy mjeteve ka qenë tepër e fortë edhe për shkak të shpejtësisë së lartë me të cilën lëviznin dhe “Benzi” i familjes Istrefi është ndarë në dy pjesë.
Nga videot vihet re dhe mungesa e ndriçimit në këtë pjesë të rrugës dhe kjo dyshohet të jetë një ndër shkaqet e këtij aksidenti tragjik.
Si pasojë e përplasjes humbën jetën Kujtim dhe Murat Istrefi vëllezër, nga Maqellara ndërsa e shoqja e njërit prej viktimave Lulzime Istrefi ka humbur jetën rrugës për në spital.
Tre nga të plagosurit Mërgim Lazri 25 vjeç, Edison Lazri 20 vjeç, Kadrie Markeçi, ishin në mjetin tip “Mercedes” me targa angleze, ndërsa Firuze Istrefi 56 vjeç është bashkëshortja e një prej viktimave që ishte në mjetin tjetër.
