Viti 2022 ishte një vit i errët për pasanikët e botës. Veçanërisht ata të sektorit Hi Tech, ku numërohen 433 mld $ humbje kompleksive për Musk, Zuckerberg dhe Bezos. Pas boom të pasurisë së tyre gjatë pandemisë, e kundërta ka ndodhur për shoqëritë multimiliardere.
Duke nisur nga Elon Musk që gjatë këtij vitit ka qenë në qendër të vëmendjes më shumë se asnjëherë tjetër, ka humbur 132 mld $ me hyrjen e Telsës në Wall Street, duke bërë që kolosi i automjeteve elektrike të mbyllë periudhën më të errët, me një Musk të përqendruar tek rrjeti social Twitter.
E njëjta situatë edhe për Jeff Bezos, themeluesin e Amazon që ka humbur 84.1 mld me një rënie të rreth 50% të titujve në sektorin e shitjes në detaj. Por edhe kreu i rrjeteve sociale më të rëndësishme, Mark Zuckerberg regjistron 80.7 mld humbje këtë vit, i kritikuar mjaft ndër të tjera për platformën metaverse, që është një ndër shkaqet kryesore të situatës ku gjendet. Ndërkohë që humbje kanë regjistruar edhe krerët e Google, më një vlerë humbjeje totale 88 mld $, ndërsa Bill Gates është varfëruar 28.7 mld $ gjatë vitit 2022.