Rreth 623 mijë individë në Shqipëri jetojnë nën kufirin e rrezikut për të qenë të varfër.
Të dhënat e publikuara nga INSTAT i referohen vitit 2021 nga rezultat e Anketës së të Ardhurave dhe Nivelit të Jetesës e cila mat nivelin e jetesës, varfërinë relative dhe privimin material në familjet shqiptare.
Në vitin 2021 janë vlerësuar rreth 622.705 individë që jetojnë nën kufirin e rrezikut për të qenë të varfër, kundrejt rreth 621.504 individë të vlerësuar në vitin 2020.
Treguesi i rrezikut për të qenë i varfër në Shqipëri, në vitin 2021 është 22,0 %, duke pësuar një rritje të lehtë prej 0.2 përqind, krahasuar me vitin 2020. Trendi në rritje vihet re në të tre grupmoshat.
Të dhënat e INSTAT i përkasin periudhës kur vendi ishte i mbërthyer nga pandemia e Covid-19. Por krahasuar me vitet para pandemisë, vihet re një rënie e rrezikut për të qenë i varfër.
Kufiri i të ardhura që ndan rrezikun për të qenë i varfër është vlerësuar në 191 mijë lekë në vit 2021-shin dhe me 186 mijë lekë për vitin 2020.
/Tv Klan/
