Bordi i Transparencës, i cili mblidhet për të “rrjepur” shqiptarët sa herë çmimi i karburanteve në bursën ndërkombëtare rritet qoftë dhe me 1 lekë, dhe harron të mblidhet kur çmimi për fuçi zbret në pikiatë deri në 85 apo 86 dollarë, pritet të diktojë tregun për një afat të pacaktuar.
Edhe pse çmimet janë duke shkuar përafërsisht në nivelin para nisjes së luftës në Ukrainë dhe tronditjes së tregjeve ndërkombëtare, Bordi “komunist” i Ramës sipas ministres së tij të Financave ka ende vlerë për qytetarët.
Sipas Delina Ibrahimajt, e cila u pyet sot nga gazetarët se deri kur do të vijojë BT të funksionojë, kjo do të ndodhë deri kur çmimet e karburanteve të ulen nën mesataren e zakonshme në tregun ndërkombëtar.
“Do vijojmë të mbajnë bordin e karburanteve për sa kohë çmimet e karburanteve do të jenë më të larta se mesatarja. Kur të ulen këto çmime do të dalim nga funksionimi i këtyre bordeve”, tha Ibrahimaj.
