Ministri i Brendshëm i Kosovës, Xhelal Sveçla ka bërë sërish thirrje për heqjen e barrikadave në veri të Mitrovicës, të cilat vijojnë të mbajnë të bllokuar rrugët për më shumë se dy javë.
Ai ka thënë se presidenti i Serbisë, Aleksandar Vuçiç, po vazhdon me propagandat e tij. Sipas ministrit Sveçla, Serbia duhet të ndalojë organizimin e strukturave ilegale në Kosovë.
“Lojërat e Vuçiçit po vazhdojnë. Fillimisht thanë se kishte përplasje në Z. Potok të nxitur nga Policia e Kosovës. Pasi e kuptuan se kishin sulmuar KFOR-in, po duan të mohojnë gjitha sulmet. Barrikadat duhet të hiqen. Serbia duhet të ndalojë së organizuari strukturat ilegale që kanë synim destabilizimin”, shkroi Sveçla.
Një ekip i KFOR-it u sulmua në Zubin-Potok mbrëmjen e së dielës.
