Stresi dhe Getinjo janë detyruar të maskohen si “Drag queen” pasi produksioni i BBVK i vuri në një sfidë. Nëse djemtë pranonin që Edoni t’i kthente në karaktere “drag queen”, ata do të përfitonin buxhetin e plotë të javës. Getinjo pranoi menjëherë ndërsa Stresi me vështirësi megjithatë në fund të dy u grimuan duke u transformuar në pamje.
Getinjo tha edhe dy fjalë pasi look-u i tyre përfundoi dhe u shfaqën me paruke e grim.
“Njerëz të dashur ne sot e kemi pasur një sfidë, me u ly dhe me vënë paruke si drag queen. Ne nuk na ka rastisur të kemi këtë lloj eksperience, por e morëm me shumë sportivitet. Tek e fundit ne na ka rritur një krijesë e tillë, pra siç po dukemi. Respekt për krejt femrat në botë dhe po jua dimë hallin. Ne për gjysmë ore u rregulluam, por vuajtëm shpirtërisht. Kështu që e bëmë për t’ju zbavitur ju që na ndiqni dhe për të dhënë mesazhin që të mos keni komplekse, ju e dini kush jeni. Këto gjëra janë dhe pjesë të aktrimit. Mos i paragjykoni njerëzit, mos i bëni të ndihen keq. Stresinjo dhe Getinjo ju përshëndesin”- tha reperi.
