Ditën e djeshme një video ku dy të rinjë dhunojnë dhe bullizojnë një vajzë në Durrës, për arsye të krenarisë së tyre ka bërë xhiron e rrjetit.
Në video shfaqet një djalë i cili qëllon një vajzë të mitur dhe i kërkon ti puth këmbët Kiarës, vajzës e cila nuk heziton ta bullizojë të miturën.
Pas publikim të pamjeve, pak më para ka reaguar dhe policia e cila njofton se është bërë identifikimi dhe shoqërimi i djalit.
“Shërbimet e Policisë kanë identifikuar, kapur dhe shoqëruar në ambientet e Policisë së Durrësit, shtetasin A. D., 22 vjeç, banues në lagjen nr. 6, Durrës. Në momentin e kapjes, gjatë kontrollit fizik të ushtruar ndaj këtij shtetasi, shërbimet e Policisë i kanë gjetur dhe sekuestuar një mjet prerës (thikë). 22-vjeçari ndodhet i shoqëruar dhe po vijojnë veprimet për sqarimin e plotë të rrethanave të ngjarjes”, njofton policia.
Po ashtu të njëjtat burime bëjnë me dije se janë identifikuar edhe 2 shtetaset e mitura 17-vjeçare, të përfshira në këtë ngjarje.
“Njëkohësisht, shërbimet e Policisë kanë identifikuar edhe 2 shtetaset e mitura 17-vjeçare, të përfshira në këtë ngjarje, dhe në bashkëpunim me punonjësit e shërbimit social dhe me psikologun, te dyja shtetaset do të intervistohen me qëllim dokumentimin e plotë të këtij rasti.Policia e Shtetit falënderon mediat dhe qytetarët që denoncojnë rastet e abuzimit me të mitur dhe çdo paligjshmëri tjetër, si dhe siguron qytetarët se strukturat vendore dhe qendrore të Policisë reagojnë në menyrë të menjëhershme, për të vënë përpara drejtësisë personat e përfshirë në paligjshmëri dhe në krim’, njofton policia.
