Kreu i Partisë së Lirisë Ilir Meta deklaron se është domosdoshmëri të mbështetet prodhimi në Shqipëri dhe të mbështetet fermeri.
Meta thekson se nuk mund të jetë prioritet ekonomik ndërtimi i kullave nëpërmjet pastrimit të parave të pista.
“Është domosdoshmëri që në Shqipëri të mbështetet prodhimi, të mbështetet fermeri, të mbështetet zhvillimi i qëndrueshëm i vendit. Nuk mund të jetë prioritet ekonomik ndërtimi i kullave nëpërmjet pastrimit të parave të pista”, shkruan Meta.
Mediat britanike paralajmëruan se në rast se miratohet amnistia fiskale, Shqipëria do të kthehet në “parajsë të pastrimit të parave”.
