Një aksident me vdekje ka ndodhur në orët e para të kësaj të shtune në Durrës.
Ngjarja ndodhi në vëndin e quajtur “Shkëmbi i Kavajës”, ku një shofer 18 vjeçar ka humbur kontrollin e automjetit dhe për pasojë është përplasur me ambientet e jashtme të një hoteli.
Nga aksidenti ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar. Gjithashtu kanë mbetur të palgosura edhe dy vajza, të cilat ishin pasagjere në mjet.
“Në orët e para të mëngjesit, në vëndin e quajtur “Shkëmbi i Kavajës”, shtetasi B. H., 18 vjeç, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli. Si pasojë e përplasjes, ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar. Gjithashtu, nga përplasja janë dëmtuar shtetaset F. D., 20 vjeçe dhe L. P., 20 vjeçe, pasagjere në këtë automjet, të cilat ndodhen nën kujdesin e mjekëve“, thuhet në njoftimin e policisë.
Drejtuesi i automjetit, shtetasi B. H. është shoqëruar në Komisariatin e Policisë, për veprime të mëtejshme.
Grupi hetimor vijon punën për sqarimin e rrethanave të aksidentit.
