Fatih Terim njihet si dikush që nuk e kafshon gjuhën dhe trajneri nuk e ka bërë këtë as kur është pyetur mbi më të mirin e të gjitha kohërave.
“Te Mesi kam parë diçka nga Maradona dhe pak muaj më parë jam pyetur edhe për të zgjedhur më të mirin mes Maradonës, Pelesë, Ronaldos e Mesit. Ju them që nëse më duhet t’i klasifikoj, do të vendosja të parin Mesin, të dytin Mesin, të tretin Mesin e pastaj gjithë të tjerët me radhë. Maradona ka qenë një lojtar i madh, edhe Ronaldo është i fortë, por mua më pëlqen shumë Mesi.
Një si ai mund të bëjë çdo gjë që do në fushë”, ka deklaruar turku që për “Sky Sports” ka folur edhe për finalen e Champions League, e cila këtë vit do të luhet në Stamboll dhe preferencat e tij mbi skuadrat italiane. “Nga Seria A janë ende tri skuadra në garë dhe shpresoj që njëra prej tyre të luajë në Stamboll. Të jetë për mua, do të zgjidhja Napolin e Spaletit, më pëlqen shumë. Rikthimi im në stol? Nuk e di, do ta bëj me një projekt të bukur”, tha Terim.
