Një situatë e pazakontë u regjistrua para fillimit të derbit mes Tiranës dhe Partizanit. Edhe pse shorti i hedhur përcaktoi që porta e Tiranës në startin e sfidës të ishte te tifozët e Partizanit, ndërsa ajo e Partizanit te tifozët e Tiranës, gjyqtari Hamiti vendosi që të ndryshonte këtë verdikt, për shkak të atmosferës së zjarrtë, për të shmangur ndonjë incident të mundshëm.
Derbi startoi me afro 10 minuta vonesë për shkak të tymueseve dhe fletëve të bardha të hedhur nga tifozeritë. Fillimisht Eldorjan Hamiti ka tërhequr skuadrat teksa gjithçka filloi pas pastrimit të fushës.
