Një ngjarje e rëndë ka ndodhur mbrëmjen e kaluar (20 dhjetor) në lagjen 14 në Nishtulla të Durrësit.
Një-24 vjeçar teksa po kthehej nga puna në orët e vonë të natës ka rënë në kontakt me rrymën elektrike që ishe shkëputur në rrugë dhe ka gjetur vdekjen e menjëhershme.
“Specialistët për Hetimin e Krimeve të Komisariatit të Policisë Durrës kanë referuar materialet në Prokurori, për vlerësim, pasi në lagjen nr.14, Durrës, në afërsi të një kabine elektrike është gjetur pa shenja jete, shtetasi A. D., 24 vjeç, banues në lagjen nr.14, Durrës, i cili dyshohet se ka humbur jetën për shkak të kontaktit me rrymën elektrike.”, njofton policia.
Ndërsa duhet të ndodhi një tragjedi në vendin tonë që punonjësit e OSHE-s të dalin në terren dhe të rregullojnë linjën e shkëputur e cila shkarkonte në rrugë dhe që mund të shkaktonte edhe viktima të tjera.
