Të mësosh të kapërcesh një ndarje nuk është kurrë e lehtë. Të ecish përpara pasi të është thyer “zemra” është më e vështirë sesa tingëllon.
Mendimet na pushtojnë dhe “pse-të” vështirë se gjejnë përgjigje. Po sikur fundi i lidhjes të mos ishte zgjidhja e duhur?
Këto janë 5 shenja që vërtetojnë se nuk duhet të ndaheshit:
Ju mungon ajo që keni bërë për partnerin tuaj
Si ta kuptpjmë që e duam vërtet dikë? Kur lumturia e tij është një nga dëshirat tona më të mëdha. Është e zakonshme të kujtojmë me një buzëqeshje gjërat e bukura që kemi përjetuar me një person. Nëse ëndërroi për ish-in tuaj dhe gjërat e vogla që ju bëjnë të buzëqeshni, duhet të filloni t’i bëni vetes disa pyetje të vështira, si, “A e nxitova me ndarjen?”
Madje ju mungojnë vështirësitë që keni kaluar së bashku
Vështirësitë në një lidhje e bëjnë atë më të fortë dhe forcojnë dashurinë mes çiftit. Nëse e kujtoni me buzëqeshje kur keni debatuar ose keni fjetur të grindur dhe më vonë keni kuptuar se sa budallenj keni qenë të dy, kjo është gjithashtu një shenjë.
Nëse shikoni prapa me mall , madje edhe vështirësitë, atëherë ato kanë formësuar pozitivisht marrëdhënien tuaj. Përveç kësaj, mendoni: sa e lehtë është të gjesh një person që do t’ju bëjë të lumtur, qoftë edhe në një grindje?
Ju mendoni se momentet e rëndësishme ishin më të mira me ish-partnerin
Jeni ndarë sepse keni ndjerë se ky person nuk ju shton më asgjë pozitive në jetë, por do të dëshironit të ndani çdo moment të rëndësishëm të jetës suaj me të.
Nëse nuk vjen nga nevoja për të marrë vërtetimin e tij ose për të ndjerë sërish “sigurinë” e marrëdhënies, atëherë ndoshta duhet të rishikoni marrëdhënien me të.
Një nga shenjat më karakteristike të dashurisë është dëshira për të ndarë çdo përvojë me një person, sepse e dini se kjo do t’ju kënaqë.
Po përpiqeni të bëni xheloz ish-in tuaj
Ata mund të thonë se hakmarrja më e mirë është që ish-i juaj t’ju shohë mirë dhe të lumtur, por nëse publikoni foto, dilni në dyqanet që e dini se ai frekuenton, ose frekuentoni vendet ku ai rri vetëm për t’ju parë, diçka nuk po funksionon siç duhet.
Të ecësh përpara është një gjë, por kërkimi i një mënyre për të konfirmuar se ish-i juaj është i pikëlluar për atë që ka humbur është një tjetër. Ndoshta sepse ju ende e doni atë.
Krahasoni vazhdimisht të tjerët me ish-in tuaj
Nëse jeni në një lidhje menjëherë pas një ndarje, është disi logjike të krahasoni përvojat e reja me ato të vjetrat.
Megjithatë, këto ndjenja nuk do të zgjasin shumë dhe pas një kohe do të ndjeni lehtësim. Të gjitha tiparet negative të ish-it do të jenë të dukshme para jush dhe do të kaloni një kohë të mirë me njerëz që nuk i kanë.
Nëse kjo nuk ndodh, atëherë ndoshta mendoni më mirë se përse e mbani atë vend të veçantë në zemrën tuaj për këtë person.
