Partia Demokratike, përmes deputetes së saj Ina Zhupa, deklaron se Skënder Gjinushi qëndron në krye të Akademisë së Shkencave në shkelje të ligjit. Dhe për këtë i ka kërkuar Gjykatës Kushtetuese ta pezullojë menjëherë nga detyra.
“Skënder Gjinushi qëndron në krye të Akademisë së Shkencave i padekretuar nga presidenti i Republikës. Meta kur ishte në krye të Presidencës ka evidentuar shkelje kur është çuar për emërim emri i Skënder Gjinushit”, tha Zhupa për gazetarët jashtë Gjykatës Kushtetuese.
Po ashtu, ajo tha se Skënder Gjinushi i ka shërbyer politikisht kryeministrit Edi Rama.
“Të shpallet pezullimi i menjëhershëm i zotit Gjinushit”, deklaroi ligjvënësja demokrate.
