Derbi i kryeqytetit mes Partizanit dhe Tiranës, i vlefshëm për kampionatin do të fillojë në orën 20.00. Kjo përballje do të jetë e luftuar me dy tifozeritë që janë më të zjarrta në futbollin shqiptar.
Bardheblutë ndjekin në renditje dhe do të kërkojnë me çdo kusht që të rimarrin vendin e parë. Por ata nuk janë në formën më të mirë pasi duhet të improvizojnë me mungesa të rëndësishme në prapavijë.
E kur jemi vetëm pothuajse vetëm orë para ndeshjes, trajnerët kanë publikuar edhe formacionet me të cilët do të tentojnë fitoren.
Trajneri Shehi ka vendosur të improvizojë me kthimin përsëri të Aleksit mbrapa, teksa konfirmon një rreshtim shumë ofensiv përpara me Kallakun e Limajn në mbështetje të Hasanit, Xhixhës e Patrik.
Kurse te Partizani, janë Hoti, Cara dhe Skuka përpara nga minuta e parë, teksa ka nëj lëvizje të rëndësishme në rreshtimin e të kuqve. Alban Hoxha kthehet përsëri titullar në radhët e të kuqve pikërisht në derbi, pasi kishte humbur vendin e tij ndaj Rexhepit.
Formacionet zyrtare:
Tirana: Bekaj, Ismajlgeci, Najdovski, Aleksi, Lulaj, Deliu, Limaj, Kallaku, Hasani, Patrick, Xhixha.
Partizani: Hoxha, Hadroj, Bitri, Sota, Buxhelaj, Matondo, Rrapaj, Murataj, Hoti, Cara, Skuka.
