Një ekip gazetarësh është sulmuar sot në veri të Kosovës. Sipas mediave vendase mësohet se ngjarja ka ndodhur në afërsi të barrikadave të ngritura në Çabër të Zubin Potokut. Grup i gazetarëve të sulmuar i përkasin televizionit “Klan Kosova”.
Sipas AGK-së, në drejtim të gazetarëve janë hedhur gurë dhe ata janë “fyer dhe sharë” nga sulmuesit.
“AGK-ja sërish bën thirrje tek organet kompetente që të marrin masa për të siguruar gazetarët, njëherësh kërkojmë që të lejohen të bëjnë punën e tyre pa u penguar”, tha AGK-ja, teksa shtoi se ky asociacion është i shqetësuar për sigurinë e gazetarëve që raportojnë nga veriu.
AGK-ja tha e ky është sulmi i tretë ndaj gazetarëve, që kur disa serbë lokalë nisën ngritjen e barrikadave në veri të Kosovës më 10 dhjetor.
