Rusia ka nisur një ofensivë të mbushur me retorikë kërcënuese dhe thirrje për sulme me armë bbërthamore ndaj Perëndimit në tre ditët e fundit. Retorika e luftës vjen në një kohë që Kremlini po vendos çdo ditë e më shumë raketa me rreze të gjatë pranë kufijve të vetë perëndimorë.
Pamjet e publikuara nga Moska zyrtare tregojnë vendosjen e një rakete të re strategjike “Yars” në rajonin Tver, në veri të Moskës, Raketa në fjalë, e cila mund të hidhet me një kokë bërthamore, ka kapacitetin për të arritur Evropën dhe territorin e SHBA-së në kohë rekord.
Pamjet e vendosjes së saj u bënë publike një ditë pasi u shfaqën video të një rakete tjetër “Yars” që po ngarkohej në bazën Kozelsky, 160 milje në jug të Moskës.
Dhe të mërkurën, një video tregoi një tjetër raketë që mbërrin në të njëjtën bazë, ndërsa një gjeneral rus në pension tha se Rusia duhet t’i japë përparësi goditjes së Londrës përpara se të sulmojë Uashington DC.
Vendosja e fundit e raketës strategjike “Yars” në rajonin e Tverit, i cili është më afër kufijve të NATO-s sesa baza e Kozelskit, vjen ndërsa Vladimir Putin sheh Perëndimin si objektivin e tij kryesor.
Komandanti i Forcave Raketore Strategjike të Rusisë, gjeneral-koloneli Sergei Karakayev i tha Zvezda TV: “Një regjiment raketash në rajonin e Tverit…ka hyrë në detyrë luftarake me një sistem të lëvizshëm rrugor Yars“.
Ky dislokim, i shënuar nga një ceremoni ushtarake në kompleksin e Forcave Raketore Strategjike të Bologovskit, erdhi pasi forcat strategjike të Putinit lëshuan veçmas dhjetëra raketa të fuqishme në Ukrainë.
