Moti i keq ka shkaktuar dëme të mëdha dhe në bujqësi. Në qarkun e Fierit gjatë ditës së sotme, reshjet e dendura të shiut shoqëruar nga erëra të forta ka bërë që të shkatërrohen serat e rreth 20 fermerëve në fshatin Suk 2 të bashkisë Roskovec.
Sipas fermerëve era e fortë ka grisur plastmasët dhe ka thyer hekurat e tavanëve bashkë me bandierët që janë të vendosur për të mbajtur strukturën e serave. Sipas tyre dëmet e shkaktuara shkojnë afërsisht 100 milionë lekë.
Moti i keq ka shkaktuar dëme edhe në sera të zonës Suk1 dhe Arapaj të Roskovecit.
