Detaje të reja kanë dalë nga vrasja e 49-vjeçarit në Tiranë, Edmond Papa, i cili u qëllua me breshëri plumbash mbrëmjen e kësaj të premte.
Kjo është makina luksoze G Class e Papës. Ajo është e parkuar në anë të lokalit ku u ekzekutua 49-vjeçari.
Papa mbeti i plagosur dhe dërgua në Spitalin e Traumës, por nuk arriti t’i mbijetonte plagëve të marra. Dyshohet se 49-vjeçari është ndjekur nga autorët që kanë survejuar të gjitha lëvizjet dhe në momentin që është ulur në lokal është qëlluar me 9 plumba.
Policia po punon për identifikimin dhe arrestimin e autorit.
Burimet bëjnë me dije se Papa, biznesmen në fushën e turizmit, ndërsa mësohet se sot kishte mbërritur në Tiranë. Viktima rezulton i dënuar më herët për drogë në Greqi, ku ka bërë dhe disa vite burg.
Deri më tani dyshohet se viktima ka lidhje me personazhe të botës së krimit në Britaninë e Madhe, megjithatë do të mbetet për t’u zbuluar nga hetimet se cila ka qenë arsyeja e eliminimit të tij.
