Eneo Bitri ishte protagonist në ndeshjen Partizani-Kukësi 2-1. Mbrojtësi realizoi gol për të kuqtë, ndërsa shkaktoi gjithashtu edhe penalltinë që rihapi sfidën.
“Penalltia i ndodh çdo kujt. Për mua nuk ishte penallti, por ashtu vendosën gjyqtarët. Jo çdo kontakt në zonë është penallti. Shikoni pamjet nuk ka kontakt dhe ai (kundërshtari) rrëzohet në fushë
Goli? Po e prisja të kthehej topi të them të drejtën dhe në momentin që shënova ishte një gëzim i madh. Ndoshta mund të bëj edhe një gol më të bukur se ky.
Dedikim? Për të gjithë çunat e ekipit sepse e meritonim këtë fitore. Partizani vuan në fund? Është ndeshja e dytë që kemi patur një përgjumje në fund, sidomos në sfidën me Erzenin” – Tha ai pas ndeshjes.
