Puntatën e djeshme në “Përputhen”, Lea goditi me shuplakë ish-shoqen e saj të ngushtë Irisin. Ngjarja skandaloze e cila përcjell vetëm negativitet për këdo që e ka parë erdhi pas një debati të gjatë e të vazhdueshëm mes vajzave dhe një gjuhe vulgare e të palejueshme për tu transmetuar në një program që ndiqet nga të gjitha moshat.
Është e turpshme sesi dy vajza të reja, të cilat janë aty për të njohur një djalë dhe për të gjetur dashurinë, kanë një mënyrë skandaloze komunikimi. Por fama duket se i ka verbuar dhe nuk arrijnë të shohin modelin negativ që po u përcjellin brezit të ri i cili mund të influencohet nga sjellje të tilla të patolerueshme.
Fama dhe klikimet nuk i lejojnë të shohin më tej. Nuk e kuptojnë se po ulin veten para të gjithë shqiptarëve me një sjellje skandaloze, por në fund të ditës duket se për to kanë rëndësi vetëm followers-at në Instagram.
Kësaj gjuhe vulgare dhe sjelljeve të dhunshme e skandaloze në emisione të tilla duhet tu vijë FUNDI. Qëllimi është të gjejmë dashurinë, jo të promovojmë sjellje të pahijshme.
Edukatës, rrespektit, çiltërsisë, argumentit dhe ëmbëlsisë së vajzave shqiptare ia ka zënë vendin vulgariteti, britmat, histerizmii dhe dhuna… E TURPSHME çfarë po ndodh me brezin e ri.
View this post on Instagram
Kjo ngjarje skandaloze ka sjellë reagimin e disa personazheve publikë, ndër to Aulona Musta, e cila ka postuar një status ku shprehet se kjo sjellje është e turpshme duke kritikuar ashpër dy vajzat.
“Sa turp! Sa turp! Sa tuuurp!! Dhe pastaj do kërkosh respekt dhe mirëkuptim nga partneri? Po kurrë nuk do ta arrish nëse nuk respekton veten dhe e trajton në mënyrën më të ulët e vulgare të mundshme. Si nuk dëgjova një herë të komunikojnë këto femra me argument, me qetësi, me respekt me njëra-tjetrën, por vetëm me ofendime, të shara, ulërima, me fjalorin dhe gjuhën më vulgare. Kjo është fytyra e injorancës dhe vulgaritetit! Ky nuk është një episode në nerva e sipër, kjo është sjellje e vazhdueshme, e përhershme, ky është i vetmi komunikim që këto vajza njohin. Femra të paedukuara! Turp!“, shkruan Aulona.
View this post on Instagram
/A.L-Boldnews.al
