Kreu i Partisë së Lirisë Ilir Meta, ka reaguar mbi aplikimin e Kosovës, për antarësimin e saj në Bashkimin Europian.
Me anë të një postimi në Facebook, Meta e cilëson si një ngjarje historike, ndërsa shprehet se nga ky hap i rëndësishëm do të avancojë me sukses jo vetëm të qytetarëve të Kosovës, por edhe të gjithë rajonit.
Postimi i plotë i Metës:
Aplikimi i Kosovës për anëtarësimin në Bashkimin Europian është një ngjarje historike bazuar në aspiratat, orientimin e qartë euro-atlantik dhe përkushtimin e vendosur të qytetarëve dhe të institucioneve të Kosovës për të ardhmen europiane, në funksion të paqes, stabilitetit dhe sigurisë në rajon.
Duke e përgëzuar Kosovën për këtë hap shumë të rëndësishëm uroj që ky proces të avancojë me sukses në interes, jo vetëm të qytetarëve të Kosovës, por edhe të gjithë rajonit tonë!
