Kategoria e Parë ka luajtur dy sfidat e saj të fundit për sa i përket javës së 11-ë. Ajo që ra në sy ishte fitorja 2-0 që Tomori arriti përballë Flamurtarit në shtëpi.
Skuadra e drejtuar nga Klodian Arbëri bëri një lojë fantastike duke e merituar fitoren, teksa u ndëshkuan dhe me një karton të kuq, ndërsa nga ana tjetër, vlonjatët morën dy të tillë, duke e mbyllur sfidën me 9 lojtarë.
Kështu Tomori largohet nga zona e ftohtë dhe synon të arrijë “playoff”-in, teksa i bën “nder” dhe Dinamos, me këtë të fundit që qëndron në vendin e parë, tre pikë para Flamurtarit.
Në duelin tjetër të ditës së sotme, Apolonia mori një fitore tejet të rëndësishme ndaj Besëlidhjes në transfertë.
Kështu fierakët ngjiten në vendin e 9-ë, ndërsa Besëlidhja vazhdon të vuajë në vendin e 12-ë.