Arrestimi i shqiptarit Julian Agalliu i dyshuar si trafikant droge në Londër, Angli, ka penalizuar partneren e tij Rasvinder Agalliu.
Ajo ishte punonjëse e policisë për më shumë se 15 vite, por u shkarkua pasi i dashuri i saj shqiptar ra në pranga.
Gazeta The Times shkruan se ish policja ka deklaruar se paratë vinin nga puna e Julianit si kuzhinier për futbollistët profesionistë.
Por provat e gjetura faktuan se shqiptari ishte një tregtar i madh droge që përdorte aplikacionin Encrochat për të tregtuar kokainë dhe kanabis.
Hetuesit, gjatë vëzhgimeve, kishin konstatuar ish policen me një makinë ‘Audi’ me vlerë 70,000 paund, me veshje e aksesorë markash të shtrenjta dhe prova të tjera të stilit të jetesës së një milioneri, të cilat nuk përputheshin me pagën që ajo merrte si punonjëse policie.
Në qershor të vitit 2020 policia kreu një kontroll në banesën e çiftit ku u gjetën kokainë, peshore digjitale dhe më shumë se 15,000 paund.
Në atë kohë avokati i ish policisë pretendonte se ata jetonin të ndarë dhe së kokaina e cila u gjet në banesë, mund të ishte vendosur nga dikush gjatë një feste.