Kosova ka njoftuar se do të mbledhë sot Këshillin e Sigurisë.
Qeveria e Kosovës ka bërë të ditur se pas mbledhjes së Këshillit të Sigurisë do të ketë konferencë për media, ku do të paraqiten kryeministri i Kosovës, Albin Kurti dhe ministri i Brendshëm, Xhelal Sveçla.
Kjo mbledhje vjen pas rritjes së tensioneve në veri, ku ka pasur sulme me armë dhe bomba çorientuese (shok-bomba).
EULEX-i njoftoi sot se një patrullë e tij është sulmuar mbrëmjen e djeshme në pjesën e veriut, ndërkohë kërkoi nga autoritetet e Kosovës t’i gjejnë autorët dhe t’i dërgojnë para drejtësisë.
