Kreu i Partisë së Lirisë, Ilir Meta ka reaguar pas sulmeve serbe në Veri të Kosovës ndaj policis.
Meta shprehet se i dënon me ashpërsinë më të madhe këto akte të papranueshme. Ai bën thirrje institucioneve të drejtësisë të venë sa më parë para drejtësisë autorët e tyre dhe se duhet të shmanget çdo lloj provokimi apo përshkallëzim i situatës.
“Dënoj me ashpërsinë më të madhe aktet e papranueshme të dhunës dhe sulmet e armatosura ndaj Policisë së Kosovës dhe personelit ndërkombëtar në Veri të Republikës së Kosovës dhe u bëj thirrje institucioneve të drejtësisë të venë sa më parë para drejtësisë autorët e tyre.
Apeloj fuqimisht domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.”- deklaron Meta.
