Për të dytën herë në histori, Cristiano Ronaldo do ta nisë nga stoli një ndeshje të Kupës së Botës.
Botërori i Katarit po rezulton i vështirë për ylllin luzitan, pasi Fernando Santos e ka zëvendësuar në formacionin bazë me sulmuesin e talentuar të Benfica, Gonçalo Ramos.
Talenti portugez do të startojë si titullar edhe përballë Marokut, pas tre golëshit dhe performancës fantastike që dhuroi nësfidën e fituar me rezultatin 6-1 ndaj Zvicrës.
Me Portugalinë që kuotohet tashmë ndër favoritet për të triumfuar në finale e 18 dhjetorit, tekniku i Marokut kërkon të shkruajë historinë duke u bërë e para kombëtare afrikane që arrin gjysmëfinalet e një Botërori.
Pasi mposhti Spanjën asgjë nuk duket më e pamundur për “Luanët e Atlasit” duke hedhur në fushë formacionin më të mirë të mundshëm.
