Kjo e shtunë ka qenë një ditë tepër aktive për ambasadoren e SHBA-ve në Tiranë, Yuri Kim, e cila thehu heshjten në mesditë me një editorial mbi korrupsionin në Shqipëri, duke e cilësuar si elemntin kryesor që dëmton potencialin e zhvillimit që vendi ynë ka.
Ky ishte reagimi i parë i Yuri Kim pas valës së debatit që u ngrit mbi emrin e saj, menjëherë pas një postimi të Ministrisë së Jashtme në Twitter, ku çuditërisht ndërhyri në kompetencat e DASH duke zbuluar të dhëna nga korespondenca të nivelit diplomatik.
MEPJ njoftonte se ka nisur procedura e zëvendësimit të ambasadores së SHBA në Tiranë, duke i dërguar një mesazh të qartë Yuri Kim, se dita e largimit nga Shqipëria është e afërt.
Dhe jo më larg se 20 janari, kryediplomates amerikane i mbaron mandati tre vjeçar në drejtimin e selisë së “Rrugës së Elbasanit”, por postimi i MEPJ ishte më tepër sesa lajmërues.
Great to see @SPAK_Albania recognized for its accomplishments in 2022. Looking forward to more results. https://t.co/GOP4SPvhmo
— Ambassador Yuri Kim (@USAmbAlbania) December 10, 2022
Në mjedisin politik ajo cicërimë u komentua si një paralajmërim nga vetë kryeministrit Edi Rama për Yuri Kim, lidhur me luftën e ashpër nën rrogoz për zgjedhjen e kreut të ri të SPAK, pasi qeveria dhe ambasada e SHBA mbështesin kandidatë të ndryshëm.
E pikërisht kur pritej reagimi i Kim, kjo e fundit e ka “tronditur” opinionin jo vetëm me një editorial të gjatë, por edhe me dy pastime në Twitter, ku vlerëson rolin e SPAK për impaktin e drejtësisë së re që sipas saj ka goditur politikanë të korruptuar, duke shpërndarë mesazhin e fundit të DASH për Prokurorinë e Posaçme të Shqipërisë.
Në reagimin e saj, Kim shton se SHBA-të presin më shumë rezultate nga SPAK-u gjatë vitit 2023 duke mos i hequr meritat për arritjet në 2022.
“Kënaqësi të shoh se si SPAK vlerësohet për arritjet e tij gjatë vitit 2022. Presim edhe më tepër arritje gjatë vitit 2023”, shkruan Kim në Tëitter.
“Me ndihmën e SHBA, Shqipëria krijoi një Organ të Posaçëm Kundër Korrupsionit si një organ i ri elitar për të luftuar korrupsionin dhe krimin e organizuar. Muajt e fundit, SPAK ka arrestuar ish-ministra, deputetë në detyrë, gjyqtarë, polici, prokurorë, kryebashkiakë dhe krerët e krimit të organizuar”, shton ambasadorja.
