Ditën e sotme u mbyll edhe faza çerekfinale e Kupës së Botës, ku për rrjedhojë u zbulua edhe çifti i dytë gjysmëfinal.
Maroku vazhdon të befasojë, teksa pas Spanjës, eliminoi edhe Portugalinë e Cristiano Ronaldos. Një arritje historike, teksa u bënë ekipi i parë afrikan, i cili arrin në gjysmë-finalen e një Kupe Bote.
Përballja nisi me vrull të madh, me Joao Felix i cili krijoi 2-3 raste goli në pjesën e parë, por pa mundur dot të gjente rrugën e rrjetës. Por, pjesa e parë nuk do të përfundonte me kaq, pasi në minutën e 42’, En Nesyri përfiton nga një gabim i mbrojtjes “luzitane” dhe kalon Marokun në avantazhin 1 me 0.
Pjesa e dytë foli e gjitha për portugezët, me “luzitanët” të cilët kërkuan në çdo moment golin, por portieri Bono ishte në një formë të shkëlqyer, duke e vazhduar serinë e ndeshjeve me rrjetë të paprekur në këtë Botëror.
Marok-Portugali | Përmbledhja e golave (VIDEO)
Në gjysmëfinale, Maroku do të përballet ndaj Francës, kampionëve në fuqi të botës. “Gjelat” triumfuan në sfidën e orës 20:00 ndaj Francës me rezultatin 2-1. Një sfidë e denjë për emrat e të dyja skuadrave ku nuk mungoi për asnjë moment spektakli por edhe drama.
Në “Al Bayt” ku triumfoi klasi i skuadrës së Deschamps, me francezët që do të kalonin të parët në avantazh, falë një goditjeje perfekte nga më shumë se 20 metra distancë nga porta të Tchouameni (17’)
Të ndodhur në disavantazh, Anglia shtoi rastet e saj të sulmit, me Saka, Kanë dhe Foden, të cilët nuk arritën të gjenin dot golin, në pjesën e parë të lojës, por me nisjen e së dytës do të mjaftonin vetëm 9’ minuta, ku në të 54’-tën, arbitri Sampaio do të akordonte një 11-metërsh, për “tre luanët”, penalllti e cila do të shndërrohej në gol nga vetë kapiteni, Harry Kane.
Me shënimin e golit të barazimit, anglezët nuk u dorëzuan, por do të ndodhte ndryshe, pasi në minutën e 78’, një krosim fantastik nga Antoine Griezman gjen Olivier Giroud të pamarkuar siç duhet në zonë, i cili me kokë nuk gabon dhe kalon të tijët në avantazh, duke i dhuruar “gjelave”, një biletë gjysmë-finaleje.
Pas dy ditëve pushim, Botërori do të rikthehet të martën e 13 dhjetorit me gjysmëfinalen e parë Argjentinë-Kroaci që do të zhvillohet në orën 20:00. Ndërkohë të mërkurën, po në orën 20:00, do të luhet edhe gjysmëfinalja tjetër mes Francës dhe Marokut.
Angli-Francë | Përmbledhja e golave (VIDEO)
