Ish-deputetja e Partisë Demokratike, Jozefina Topalli e cilësoi një sulm brutal atë të Berishës më 6 dhjetor.
Në “Now me Erla Mëhillin” ajo tha se agresioni është politik dhe se pamjet e transmetuara në medie janë trishta.
“Dikush këtu nuk do të ketë opozitë, dikush këtu nuk do që të ketë një mundësi organizimi, qëndrese, beteje, për të rrëzuar qeverisjen aktuale. Sigurisht që ky është një realitet,” – u shpreh Topalli.
Ajo tha se ka një fenomen që e frikëson dhe bëhet fjalë për emigracionin.
Kreu i Partisë Demokratike, Sali Berisha u godit më 6 dhjetor, gjatë protestës së opozitës me grusht në fytyrë nga Gert Shehu, një 31- vjeçar i cili sipas mjekut që është marrë me kurimin e tij vuan nga probleme të shëndetit mendor.
Berisha deklaroi pas sulmit se Gert Shehu është agjent i infiltruar i policisë.
