Portugalia e ka kthyer në një festival golash ndeshjen ndaj Zvicrës duke i çuar shifrat në 5-1. Luzitanët shënojnë dy gola të shpejtë menjëherë pas fillimit të fraksionit të dytë të lojës, teksa 45 minutat e para i mbyllën në abantazh 2-0.
Autori i golit të tretë është Goncalo Ramos. Sulmuesi 21-vjeçar godet në shtyllën e parë pas një krosimi nga e djathta dhe çon topin në rrjetë.
Më pas në minutën e 55-të, ishte radha e Raphael Guerreiro të shënonte. Aksion i shpejtë i portugezëve me mbrojtësin e Dortmund i cili shfaqet para portës dhe çon përsëri topin në rrjetë.
Ndërkohë në minutën e 58-të, Zvicra shënon golin e nderit duke i çuar shifrat në 4-1. Pas një goditje këndi, Akanzhi shtyn i fundit topin në portën e portugezëve.
Në minutën e 67-ë Goncalo Ramos konfirmohet si lojtari i ndeshjes duke realizoi golin e tretë personal dhe të pestin për ekipin duke vulosur kështu kualifikimin e skuadrës së tij.
