Ambasada britanike në Tiranë ka dënuar sulmin ndaj kreut të PD, Sali Berisha i cili u qëllua me grusht mesditën e sotme nga 31-vjeçari Gert Shehu në protestën e opozitës në Bulevard.
Në reagimin e ambasadës britanike, thuhet se dhuna nuk ka vend në demokraci dhe se Mbretëria e Bashkuar do të mbështesë të drejtën për protesta paqësore. Sipas ambasadës sulmi ndaj Berishës është një sulm i papranueshëm për fjalën e lirë.
“Dhuna nuk ka vend në demokraci. Mbretëria e Bashkuar do të mbështesë të drejtën për protesta paqësore. Sulmi ndaj Sali Berishës është një sulm i papranueshëm për fjalën e lirë. Mbretëria e Bashkuar dhe Shqipëria qëndrojnë krah me krah në mbështetjen tonë për demokraci dhe shtetin e se drejtës”, shkruan ambasada britanike.
