Nga Korça, Kruja, Berati, Vlora e Gjirokastra kanë mbërritur në Tiranë mbështetës të Partisë Demokratike për t’ju bashkuar sot protestës së opozitës që pritet të zhvillohet në orën 12:00.
Rreth 200 anëtarë dhe simpatizantë të PD-së janë nisur nga dega e Gjirokastrës, ku organizimi është realizuar me mjete private dhe mikrobusë.
Rreth 1000 antarë dhe simpatizantë të partisë demokratike, janë nisur nga Vlora drejt Tiranës.
Protesta e thirrur në Bulevardin Dëshmorët e Kombit, po zhvillohet njëkohësisht me Samitin e Bashkimit Evropian.
