Presidenti i Këshillit Evropian, Charles Michel ka shkruar në faqen e tij në Twitter rreth samitit të 6 dhjetorit që do të zhvillohet në kryeqytet.
“Samiti nesër mes Bashkimit Europian dhe Ballkanit Perëndimor është shumë simbolik sepse do të zhvillohet në Tiranë, në zemër të rajonit. Tregon evolucion sa i takon angazhimit,” – u shpreh ai.
Samiti i Bashkimit Europian dhe Ballkanit Perëndimor i cili do të mbahet për herë të parë në Tiranë do të jetë i radhës pas 13 konferencash takimesh e samitesh të mbajtura çdo vit që prej 2013-tës.
Në samitin BE-Ballkani Perëndimor pritet të jenë 44 delegacione, i cili do të nisë nesër nga ora 10:00. Kurse në krahun tjetër opozita e udhëhequr nga Sali Berisha është shprehur se me protestën e nesërme do t’i tregohet vendeve të BE-së se kjo qeveri është e korruptuar, por kryeministri Rama tha se ky veprim i opozitës është një njollë që i bëhet vendit.
Tomorrow’s EU-#WesternBalkans summit is very symbolic because it will take place in Tirana, at the heart of the region.
It shows a strong evolution in terms of engagement. pic.twitter.com/7buRaBENUU
— Charles Michel (@CharlesMichel) December 5, 2022
